Ano nga ba ang Totoong Diwa ng Pasko?

Sa tuwing dumarating ang Disyembre, tila nagiging mas makulay ang ating paligid. Ang bawat kalsada ay puno ng kislap ng parol, tawanan ng mga bata, at musika ng himig Pasko. Ngunit natanong mo na ba kung ano talaga ang tunay na diwa ng Pasko? Ano ang ugat ng ating selebrasyon?

Higit sa Dekorasyon

Isipin ang isang Christmas tree, kahit ito’y magara at puno ng ilaw, wala itong halaga kung ito’y nakatayo sa isang tahimik at bakanteng silid. Ang totoong liwanag ng Pasko ay hindi nagmumula sa dekorasyon kundi sa pagmamahal at ugnayan ng mga mahal mo sa buhay.

Ang magagarang regalo, masasarap na pagkain, o bonggang selebrasyon ay nawawalan ng saysay kung hindi ito naibabahagi sa iba. Ang Pasko ay hindi tungkol sa kung anong mayroon ka, kundi sa kung sino ang kasama mo sa espesyal na araw na ito.

Pag-ibig sa Gitna ng Hirap

Sa mundo kung saan ang bawat isa ay abala sa kani-kanyang takbuhan, ang Pasko ay paalala na huminto sandali. Kumusta ka? Hindi ba’t minsan, masyado tayong nakatuon sa materyal na bagay kaya nalilimutan natin ang tunay na mahalaga?

Ang Pasko ay nasa pagpapatawad kahit mahirap, sa pagtanggap ng sarili at ng iba, at sa pagbabahagi ng liwanag sa mga nangangailangan. Isang simpleng kumusta, isang yakap, o isang ngiti ay maaaring magbigay ng pag-asa sa mga taong tila pinanghihinaan ng loob.

Filipino Christmas: Ang Espesyal na Diwa para sa mga OFW

Para sa mga Pilipinong nasa ibang bansa, lalo na ang mga Overseas Filipino Workers (OFW), ang Pasko ay maaaring puno ng lungkot at pangungulila. Ang Filipino Christmas ay karaniwang simbolo ng pamilya, kasiyahan, at pagkakaisa, ngunit para sa mga malayo sa kanilang mga mahal sa buhay, ang Kapaskuhan ay madalas nagiging paalala ng distansya at sakripisyo.

Gayunpaman, ang diwa ng Pasko ay maaaring maramdaman kahit malayo. Sa kabila ng hirap, ang pagmamahal ng isang OFW sa kanilang pamilya ang nagiging dahilan kung bakit patuloy silang nagiging inspirasyon, nawa’y maging paalala ito sa kanila na ang kanilang mental health ay mahalaga rin, lalo na pag Pasko.

Mental Health Pag Pasko

Hindi natin maikakaila na may mga pagkakataon kung kailan ang Pasko ay nagdudulot ng lungkot sa iba. Para sa mga nakaranas ng pagkawala, pangungulila, o pagsubok, ang Kapaskuhan ay maaaring magdala ng bigat sa damdamin. Para sa mga OFW, maaaring ito rin ang panahon kung kailan pinakamalakas ang kirot ng pangungulila.

Ang Pasko ay isang paalala rin na bigyang-pansin ang ating mental health. Hindi masama ang makaramdam ng lungkot. Sa halip, ito ang tamang panahon upang yakapin ang ating damdamin, hanapin ang suporta ng mga mahal natin, at bigyan ang sarili ng pahinga upang maghilom. Ang simpleng pag-uusap o pagbabahagi ng nararamdaman ay maaaring magbigay ginhawa.

Ang Regalong Hindi Nababalot

Ngayong Kapaskuhan, huminto saglit. Huminga nang malalim at kilalanin ang iyong nararamdaman. Ano ang Pasko para sa iyo? Sa Filipino Christmas, ang diwa nito ay nasa pagmamahal, sa sarili, sa kapwa, at sa Diyos. Tandaan mo, sa gitna ng lahat, ikaw ang pinakamahalagang regalo ngayong Pasko.

Sa lahat ng OFW at sa bawat Pilipino saan mang sulok ng mundo, paalala: huwag kalimutan ang sariling kaligayahan at mental health. Ang Pasko ay panahon ng pag-asa, pagmamahal, at pagpapahalaga sa sarili, sa pamilya, at sa mga taong mahalaga sa atin.

Pasko Para sa Iyong Sarili at sa Mga Mahal Mo sa Buhay

Ngayong Kapaskuhan, bigyan natin ng halaga ang pagmamahal, koneksyon, at ating mental health. Maglaan ng oras para sa mga mahal mo sa buhay at alagaan din ang iyong sarili.

Kung ikaw o ang isang kakilala mo ay nangangailangan ng makakausap, Pinoy Therapy ay narito upang tumulong. Sama-sama nating ipagdiwang ang diwa ng Pasko na may pag-asa, pagmamahal, at paghilom.

About the Author

Antonette Tillo is a Registered Guidance Counselor.  She creates safe spaces where individuals can freely express their thoughts and feelings.

“With empathy guiding me and active listening directing my way, I walk alongside my clients, ensuring they feel acknowledged and valued.

Together, we build resilience and promote personal development, empowering each individual to follow their own journey with strength and confidence.”